სპორტული ორადგილიანი „მერსედესი“ − უცნაურად მოყავისფრო... ფელია კი ამბობდა, რომ ის შამპანურის ფერია. მისის ტოდი და მისი მოკლე გზები! „მოკლე გზით სიარული თავდაჯერებულობას გმატებს!“ რა არის ეს, უბრალო ახირება თუ ცხოვრების აზრი? „...თუნდაც არაფერში გჭირდებოდეს, მოკლე გზის ცოდნა (იმაზე მოკლე გზის მაინც, ვიდრე შენ გვერდით მჯდომმა იცის), უკვე სიძლიერეა“. ალბათ ამიტომაც იყო, რომ თავისი „მერსედესით“ ფელია გზაზე სხვანაირი ხდებოდა... ისეთი, მის შეჩერებას ვერავინ და ვერაფერი რომ ვერ გაბედავდა.